Presenoldeb ac Absenoldebau

Presenoldeb

Yn Ysgol Bro Llifon, rydym yn ystyried presenoldeb a phrydlondeb yn bethau
pwysig iawn er mwyn i'ch plentyn/plant fanteisio'n llawn ar addysg a bywyd yr
ysgol. Mae'n bwysig bod y plant yma'n rheolaidd cyn 9.00 er mwyn cychwyn ar
ddiwrnod cyffrous arall yn brydlon.

Absenoldebau

Yn Ysgol Bro Llifon, rydym yn ystyried presenoldeb a phrydlondeb yn bethau pwysig iawn er mwyn i'ch plentyn/plant fanteisio'n llawn ar addysg a bywyd yr ysgol. Mae'n bwysig bod y plant yma'n rheolaidd cyn 9.00 er mwyn cychwyn ar ddiwrnod cyffrous arall yn brydlon.
Rydym, wrth gwrs, yn deall bod plant yn sâl neu'n methu dod i'r ysgol am resymau eraill yn achlysurol. Pan fo hyn yn digwydd, a fuasech cystal â:

• ffonio'r ysgol,
  
• ebostio i swyddfa'r ysgol: SwynMaelor@gwynedd.gov.uk neu
  
• ysgrifennu nodyn byr yn esbonio'r absenoldeb os gwelwch yn dda.
  

Gofynnwn yn garedig i rieni beidio tynnu plant o'r ysgol yn ystod y tymor i fynd ar wyliau os oes unrhyw fodd o osgoi hyn. Rhydd Corff Llywodraethol Ysgol Bro Llifon ganiatâd i rieni dynnu eu plant o'r ysgol i fynd ar wyliau hyd at gyfnod o 10 diwrnod mewn blwyddyn. Cyn trefnu gwyliau yn ystod wythnos ysgol dylai rhieni gael caniatâd y Pennaeth. Gall y polisi hwn newid ar fyr rybydd i gyd-fynd â rheolau statudol y Llywodraeth. Gofynnir i rieni blwyddyn 2-6 sicrhau presenoldeb eu plant yn ystod cyfnod y Profion Cenedlaethol (mis Mai).

Pan mae presenoldeb afreolaidd disgybl yn achosi pryder gofynnir am gymorth Swyddog Lles Addysg.

Fe fydd y Corff Llywodraethol yn hysbysu rhieni'r ysgol yn ysgrifenedig o ganran absenoldebau y plant gyda a heb ganiatâd h.y. gyda neu heb esboniad ysgrifenedig am absenoldebau,yn ei Adroddiad Blynyddol i rieni.